На 23-24 Октомври, со почеток во 20 часот во Кинотеката на Македонија ќе се одржи 22-то издание на Интернационалниот филмски фестивал – ОСФАФ, фестивал на алтернативен (непрофесионален) и студентски филм. Официјалната програма и наградите на фестивалот ќе бидат истакнати на 22-ри Октомври на официјалната веб-страна на фестивалот: www.osfaf.org.mk . Стручното интернационално жири ќе ја одбере програмата која ќе биде поделена во две одделни проекции.
Австрискиот режисер Михаил Ханеке со црно-белиот филм „Бела врвка“ заслужено ја освои годинешната „Златната палма“ на 62. Кански филмски фестивал, а Гран-прито го доби францускиот „Пророк“ на Жак Одијар. Токму овој филм доби највисоки оцени на критиката и беше оној за кој многумина очекуваа дека ќе ја добие „Златната палма“.
Филмот „Милионер бездомник“ на Дени Бојл („Треинспотинг“) и актерката Кејт Винслет се апсолутни победници на годинешното 66. доделување на наградите „Златен глобус“.
Филмот за сирачињата во Мумбаи, нискобуџетниот „Милионер бездомник“ успеа убедливо да ги победи високобуџетните холивудски блокбастери во сите категории во кои беше номиниран.
Додека тој освои 4 награди – за најдобра драма, режија, сценарио и за музика, Кејт Винслет, која пак имаше две номинации, ги освои и двете, и за главна и за споредна улога.
На 27 октомври 1980 година , на конгресот во Белград, беше усвоен документот Препораки за чување, конзервација и презервација на подвижните слики од страна на Генералното собрание на УНЕСКО.
По повод 25-годишнината од овој настан, во 2005 година Генералното собрание на УНЕСКО го прогласи 27 октомври за Светски ден на аудиовизуелното наследство.
Овој ден ќе се одбележи во Кинотеката на Македонија, на 27 октомври со почеток во 11 часот.
Кинотеката на Македонија во соработка со Националниот филмски архив на Романија од 24 до 29 октомври 2008 година, во Букурешт, Романија, организира Денови на македонскиот филм во Романија. На оваа ревија ќе бидат прикажани пет долгометражни играни, како и пет анимирани филмови од македонската филмска продукција, со акцент на поновата долгометражна играна продукција, додека анимираните филмови се во форма на ретроспектива од афирмираната македонска школа на анимација.
На 3-ти и 4-ти Октомври во Кинотека на Македонија ќе се одржи 21-то издание на Интернационалниот филмски фестивал ОСФАФ
